‘किनारी व सागरी जैवविविधता केंद्र’चे उद्घाटन ३० एप्रिल, २०१७ रोजी श्री. सुधीर मुनगंटीवार, अर्थ आणि नियोजन व वनमंत्री, महाराष्ट्र यांच्या हस्ते करण्यात आले. पर्यटकांना महाराष्ट्राच्या किनारीआणि सागरी जैवविविधतेबद्दल माहिती देण्याकरिता ठाणे खाडी परिसरातील जागेत अत्याधुनिक सोयींनी सुसज्ज असलेले हे केंद्र उभारण्यात आले.

राज्याच्या किनारीआणि सागरी वैविध्याविषयीची माहिती यांत्रिक उपकरणांव्दारे दृष्य, श्राव्य आणि स्पर्शिक घटकांच्या माध्यमातून पर्यटकांपर्यंत पोहोचविण्याचे उद्दिष्ट्य या केंद्राचे आहे. त्याचबरोबर, किनारी जैवविविधतेच्या महत्त्वपूर्ण पर्यावरणीय भूमिकेबद्दल आणि जैवविविधतेला असणाऱ्या धोक्यांबद्दल पर्यटकांना माहिती देण्याचे ध्येयही या केंद्राच्या उभारणी मागे होते. दृष्य आणि श्राव्य माध्यमातून संवाद साधण्यासाठी तयार केलेले संगणकीय पडदे आणि माहितीपट पाहण्यासाठी बांधलेला नाट्यगृह केंद्राचे ध्येयपुर्तीत महत्वाचे ठरले आहेत.

माहिती केंद्र

केंद्रातील प्रमुख आकर्षण :

• ठाणे खाडी फ्लेमिंगो अभयारण्यात आढळणाऱ्या समृद्ध किनारी आणि सागरी जैवविविधतेचे दर्शन घडविणाऱ्या वस्तूंचे प्रदर्शन.
• फ्लेमिंगो, खंड्या सारखे पक्षी आणि इंडियन ओशन हम्पबॅक डॉल्फिन व देवमाशासारख्या समुद्री सस्तन प्राण्यांचे ध्वनी.
• किनारपट्टी आणि सागरी जैवविविधतेबद्दलची मनोरंजक माहिती व छायाचित्रे प्रदर्शित करणारे संगणकीय पडदे आणि एलईटी डिस्प्ले.
• ठाणे खाडी फ्लेमिंगो अभयारण्याच्या जैवविविधतेविषयी माहितीपट दाखविण्यासाठीचे विशेष छोटे नाट्यगृह.
• ठाणे खाडी फ्लेमिंगो अभयारण्यात येणारे हजारो फ्लेमिंगो आणि इतर स्थलांतरित पक्षी पाहण्यासाठी बोट सफारी आणि फ.

माहिती केंद्रातील 3D पॅनल

महाराष्ट्रातील किनारीआणि सागरी जैवविविधतेच्या सौंदर्यासंदर्भात पर्यटकांमध्ये जनजागृती करण्यासाठी
केंद्रातील दृष्य, श्राव्य, स्पर्शिक तंत्रज्ञानाचा वापर

केंद्र उद्घाटन सोहळा

 शाळेच्या भेटीसाठी CSR अंतर्गत समर्पित बस

 

कांदळवन आणि भरती-ओहोटी क्षेत्रातील जैवविविधता विभाग

 

 सागरी जैवविविधता विभाग

 संवर्धन जागरूकता विभाग